Локалното Собрание на млади во Општина Крушево се состои од младински организации, организации за млади, политички подмладоци, ученички и студентски организации и други форми на младинско здружување кои имаат активности на територијата на општината. Делегатите и заменик делегатите се жители на Општина Крушево на возраст од 15 до 29 години. Локалниот младински Совет има 5 членови со мандат од 2 години, избрани од страна на Локалното Собрание на млади по пат на тајно гласање. Во 2025 година, членовите на Локалниот младински совет се: Зоја Кардула, Зоран Кузманоски, Марија Котеска, Марта Кузманоска и Цветанчо Стојаноски. Од нив се избира претседател и заменик претседател. Иницијативниот одбор за конституирање на локалното собрание на млади во 2025 година се состои од Елена Скола, Маја Ќосе и Зорица Кузманоска.