Да, во Општина Крушево постои Локален младински совет и Локално собрание на млади. Локалниот младински совет има советодавна и застапувачка улога во општината во делокругот на младински прашања и политики. Советот на Општина Крушево носи одлука за формирање на Локалниот младински совет. Бројот на членови на советот е непарен и изнесува 5 лица, избрани од Локалното собрание на млади со мандат од 2 години со право на реизбор. Локалното собрание на млади се формира од младински организации, ученички и студентски организации и други форми на младинско здружување на територијата на општината. Изборите за членови на Локалниот младински совет се спроведени на 29.08.2025 година, а избрани се следните членови: Зоја Кардула, Зоран Кузманоски, Марија Котеска, Марта Кузманоска и Цветанчо Стојаноски.